‌به‌غدا.. بۆمبێكی چێنراو دوو كه‌سی كوشت

وێستگه‌ نیوزـ

به‌هۆی ته‌قینه‌وه‌ی بۆمبێكی چێنراو له‌ باشوری به‌غدا چوار كه‌س كوژران و بریندار بوون.

سه‌رچاوه‌ ئه‌منییه‌كانی عیراق ئاشكرایانكرد كه‌ بۆمبه‌كه‌ له‌ نزیك كۆگایه‌كی بازرگانی له‌ ناوچه‌ی ئه‌بودشیر-ی باشوری به‌غدا دانراوه‌ و دوو كه‌س كوژران و دوانی دیكه‌ش برینداربوون.

دوای ته‌قینه‌وه‌كه‌ش هێزێكی ئه‌منی چونه‌ته‌ شوێنی روداوه‌كه‌ و ته‌رمی كوژراوه‌كانیان بۆ فه‌رمانگه‌ی پزیشكی دادی و برینداره‌كانیشیان بۆ نه‌خۆشخانه‌ گواستوه‌ته‌وه‌.

به‌غدای پایته‌خت نیمچه‌ ئارامییه‌ك به‌خۆیه‌وه‌ ده‌بینێت، به‌ڵام ناوبه‌ناو دزه‌ی ئه‌منیی روده‌دات و كوژراو و برینداری لێده‌كه‌وێته‌وه‌.


PM:08:42:07/10/2018


ئه‌م بابه‌ته 1248 جار خوێنراوه‌ته‌وه‌‌