‌به‌ڤیدیۆ..ژنه‌كه‌ی كوشت و له‌ نهۆمی چواره‌مه‌وه‌ هه‌ڵیدایه‌ خواره‌وه‌
‌لویس و تاتیانی لە ئەسانسۆرەکەدا

وێستگه‌ نیوزـ

له‌ گرته‌ ڤیدیۆییه‌كه‌دا خانمێك به‌ناوی تاتیانی سپیتنزه‌ر له‌ لویس مانیوڤایله‌ر-ی مێردی راده‌كات تا دواجار له‌ ئه‌سانسۆرێكدا ده‌یگرێته‌وه‌.

روداوه‌كه‌ له‌ ناوچه‌ی گواراپواڤا-ی به‌رازیل رویداوه‌ و تیایدا لویس-ی ته‌مه‌ن 32 سه‌ره‌تا له‌ ئۆتۆمبیله‌كه‌دا چه‌ند بۆكسێكی پێدا ده‌كێشێت، دواتر ژنه‌كه‌ له‌ گه‌راجی ئۆتۆمبیلێكدا له‌ده‌ستی راده‌كات و ده‌چێته‌ ئه‌سانسۆرێكه‌وه‌.

به‌پێی گرته‌ ڤیدیۆییه‌كه‌ له‌ ئه‌سانسۆره‌كه‌دا ده‌كه‌وێته‌ لێدانی تاتیانی ته‌مه‌ن 22 ژنی و پاشان ده‌یخنكێنێت و له‌ نهۆمی چواره‌می ئه‌و ته‌لاره‌وه‌ هه‌ڵی ده‌داته‌ خواره‌وه‌.

دواتر لویس كه‌ له‌ هه‌مانكاتدا مامۆستای زانكۆیه‌ و وانه‌ی بایۆلۆجی ده‌ڵێته‌وه‌، ته‌رمی ژنه‌كه‌ی كه‌ پیشه‌ی پارێزه‌ره‌ هه‌ڵده‌گرێته‌وه‌ و ده‌یخاته‌وه‌ ناو ئه‌سانسۆره‌كه‌ و خوێنه‌كه‌شی پاك ده‌كاته‌وه‌.

له‌كاتی ده‌ستگیركردنیدا لویس رایگه‌یاندوه‌ كه‌ تاتیانی-ی ژنی خۆی خۆی فڕێداوه‌ته‌ خواره‌وه‌، به‌ڵام دوای توێكاری بۆ ته‌رمه‌كه‌ ئێسك شكاو و خوێناوییه‌كه‌ی له‌لایه‌ن پزیشكی دادی، ده‌ركه‌وتوه‌ كه‌ پێش مردنی، ئه‌و خانمه‌ خنكێنراوه‌.

به‌پێی لێكۆڵینه‌وه‌كانی پۆلیس، لویس و تاتیانی-ی هاوسه‌ری شه‌و پێكه‌وه‌ له‌ ده‌ره‌وه‌ بوون، به‌ڵام له‌سه‌ر دۆزینه‌وه‌ی وێنه‌ی ژنێك له‌ مۆبایلی لویسدا، ئه‌و ژن و مێرده‌ بووه‌ به‌ شه‌ڕ و ده‌مه‌بۆڵه‌یان.


PM:08:59:24/09/2018


















ئه‌م بابه‌ته 8424 جار خوێنراوه‌ته‌وه‌‌




هەواڵی پەیوەندیدار

زۆرترین خوێندراو