گۆڕان بنکەی بانگەشەی نابێت و "مۆدێلێکی نوێی بانگەشە" پیادە دەکات

وێستگە نیوز- بەڵێن عزەت میکە
بزوتنەوەی گۆڕان بۆ هەڵبژاردنی پەرلەمانی کوردستان مۆدێلێکی نوێی بانگەشە پیادە دەکات و بۆ ئەم جارە بنکەی گەڕەکەکان ناکاتەوە.

بەڵێن ساڵح ئەندامی ژووری هەڵبژاردنی بزوتنەوەی گۆڕان بە وێستگە نیوزی ڕاگەیاند "بۆ بانگەشەی هەڵبژاردنی پەرلەمانی کوردستان بزوتنەوەی گۆڕان بنکەی گەڕەکەکان ناکاتەوە چونکە تێچوویەکی زۆری دەوێت و هاوڵاتیانیش بێزاردەکات".

بەڵێن ساڵح وتیشی: "لەبری کردنەوەی بنکەی گەڕەکەکان بنکەی گەڕۆکمان دەبێت و بە بەردەوام سەردانی گەڕەکەکان و ناوچە جیاوازەکان دەکات بەشێوەیەکی شارستانی و دوور لە بێزارکردن"
ئەو ئەندامەی ژوری هەڵبژاردنی بزوتنەوەی گۆڕان ڕونیشیکردەوە بزوتنەوەکەیان ڕۆژی 12ی ئەیلول لە گردی زەرگەتە و لەسەر گۆڕی کۆچکردوو نەورشیروان مستەفا بانگەشە دەستپێدەکات و کەمترن ئاڵا و پۆستەر هەڵدەواسن.

بەڵێن ساڵح جەختیشیکردەوە "هیچ لایەنێکی سیاسی ناتوانێت کاربکاتە سەر دەنگدەرانی ئێمە و تا ئێستاش هیچ لایەنێک نەیتوانیوە پەیام و پرۆژەی گۆڕان تێپەڕێنێت".

لە کاتژمێر 12ی شەوی ڕابردوەوە بانگەشەی هەڵبژاردن دەستیپێکردووە کە بڕیار وایە 30ی ئەیلول بەڕێوەبچێت.

هــ. ر

PM:12:58:11/09/2018

ئه‌م بابه‌ته 1152 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت