پۆلیسی سلێمانی ده‌ستگیركردنی‌ ژماره‌یه‌كی‌ زۆر تۆمه‌تباری‌ راگه‌یاند

وێستگه‌ نیوز -

له‌ راگه‌یه‌ندراوێكدا كه‌ وێنه‌یه‌كی‌ ده‌ست وێستگه‌ نیوز كه‌وتووه‌، به‌ڕێوه‌به‌رایه‌تی‌ پۆلیسی‌ پارێزگای‌ سلێمانی‌ رایگه‌یاند كه‌ "دوای چاودێریكردنی گازینۆكان و كافتریاكانی شاری سلێمانی له‌لایه‌ن هێزه‌كانی پۆلیسه‌وه‌، زانرا له‌به‌شێك له‌و شوێنانه‌دا قومار ده‌كرێت، دوای وه‌رگرتنی فه‌رمانی دادوه‌ر به‌سه‌رپه‌رشتی راسته‌وخۆی عه‌میدی مافپه‌روه‌ر ئاسۆ شێخ ته‌ها هه‌ڵمه‌تێك بۆ گه‌ڕان و پشكنینی گازینۆ و كافتریاكان ده‌ستی یپێكرد".

ئاماژه‌شی‌ به‌وه‌دا كه‌ "له‌ئێستاشدا تۆمه‌تباران به‌پێی مادده‌ی 389 له‌یاسای سزادانی عیراقی و به‌فه‌رمانی دادوه‌ر راگیراون و له‌لایه‌ن بنكه‌ی پۆلیسی سه‌راوه‌ په‌ڕاوی لێكۆڵینه‌وه‌ كراوه‌ته‌وه‌".

به‌ڕێوه‌به‌رایه‌تی پۆلیسی پارێزگای سلێمانی جه‌خت ده‌كاته‌وه‌ كه‌ "هه‌ڵمه‌ته‌كانی بۆ گه‌ڕان و پشكنین له‌ ته‌واوی كازینۆ و كافتریاكانی شاری سلێمانی به‌رده‌وامییان ده‌بێت و سه‌رجه‌م تۆمه‌تباران رووبه‌ڕووی یاسا ده‌كرێنه‌وه‌".

AM:11:26:10/08/2018

ئه‌م بابه‌ته 3196 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت