لە بەیاننامەیەکدا كه سهبارهت به خۆپیشاندانهكانی ناوهڕاست و باشوری عیراق دهریكردوه، جوڵانەوەی نهوهی نوێ هیوای خواستوه "ئەم خۆپیشاندانانە ببێتە سەرەتای گۆڕانکاری لە عێراق و هەرێمی کوردستان بە ئاراستەی لابردن و دورخستنەوەی ئەو کۆمەڵە سیاسیە تەقلیدیانەی کە عیراق و هەرێمی کوردستانیان بەمرۆ گەیاندوە."
جوڵانهوهكه بهشێكی بهیاننامهكهی تایبهت كردوه به خهڵكی ههرێمی كورستان و دهڵێت: "داواکارین کە هاوڵاتیانی کوردستانیش خۆیان ئامادە بکەن بۆهەر گۆڕانکاریەک کە لە داهاتودا رودەدات."
دەقی بەیاننامەی جوڵانەوەی نەوەی نوێ:
جوڵانەوەی نەوەی نوێ پشتیوانی خۆی رادەگەێنێت بۆ خۆپیشاندانەکانی عێراق و هیوادارین ئەم خۆپیشاندانانە ببێتە سەرەتای گۆڕانکاری لە عێراق و هەرێمی کوردستان بە ئاراستەی لابردن و دورخستنەوەی ئەو کۆمەڵە سیاسیە تەقلیدیانەی کە عێراق و هەرێمی کوردستانیان بەمرۆ گەیاندوە، وە داواکارین کە هاوڵاتیانی کوردستانیش خۆیان ئامادە بکەن بۆهەر گۆڕانکاریەک کە لە داهاتودا رودەدات.
هەروەها جوڵانەوەکە خوازیارە کە جەماوەری ئازا و خەڵکی بوێری کوردستان بە ورەیەکی بەرز و ئیرادەیەکی بەهێزەوە برواننە داهاتو و هەمومان پێکەوە بریار لە سەر گۆڕینی داهاتوی خۆمان بدەین و ئەم دۆخ و گوزەرانە خراپە تێپەڕێنین، کە ئەویش تەنها بە کاری پێکەوەیی جەناوەری و گێڕاندنەوەی هیوا دەبێت بۆ تاک بە تاکی وڵاتەکەمان.
بۆ ئەم مەبەستەش نەوەی نوێ و سەرکردایەتی جوڵانەوەکە هەمیشە ئامادەیە کە شان بە شانی هاوڵاتیان داوای مافی خۆمان بکەین و برژێینە سەر شەقامەکان و کاریش دەکەین بەرەو ئەو ئاراستەیە.
لە کۆتاییدا دەمانەوێت بیری هەمو لایەک و هەر دوو دەسەڵاتی عێراقی و هەرێمی کوردستانی بهێنینەوە کە رابردوو سەلماندوێتی داخستنی تۆڕەکۆمەڵایەتیەکان و بە کارهێنانی زەبر و توندوتیژی، نەیتوانیوە رژێمە ستەمکار و خراپەلانی دونیا بهێڵێتەوە لە دەسەڵات.
وتەبێژی جوڵانەوەی نەوەی نوێ
15-7-2018
PM:06:44:15/07/2018
ئهم بابهته 1852
جار خوێنراوهتهوه