سێڵفییه‌كی‌ سه‌یری‌ كچێكی‌ روسی‌


وێستگه‌ نیوز –

كچێكی‌ روسی‌ وێنه‌یه‌كی‌ سێڵفی‌ له‌ تۆڕی‌ كۆمه‌ڵایه‌تی‌ ئینستاگرام بڵاوكرده‌وه‌ كه‌ به‌شێك له‌ هه‌واداره‌كانی‌ پێیانوایه‌ وێنه‌یه‌كی‌ سه‌یره‌.

ئه‌نستاسیا گروزدیفا ئه‌و كچه‌ روسییه‌یه‌ كه‌ وێنه‌كه‌ی‌ بڵاوكردووه‌ته‌وه‌ و تیایدا مێشووله‌ ده‌موچاوی‌ داپۆشیوه‌ و به‌كارهێنه‌رانی‌ ئینته‌رنێت وێنه‌كه‌یان به‌ سیمبولی‌ هاوینی‌ سیبریا وه‌سف كرد.

تاتیانا سافینا كچێكی‌ دیكه‌ی‌ روسی‌ وێنه‌كه‌ی‌ ئه‌نستاسیا گروزدیفای‌ دووباره‌ بڵاوكرده‌وه‌ و له‌گه‌ڵیدا وێنه‌یه‌كی‌ خۆی‌ له‌هه‌مان ناوچه‌ بڵاوكرده‌وه‌، به‌ڵام له‌ وه‌رزی‌ زستاندا كه‌ به‌فر سه‌ری‌ داپۆشیوه‌ و نووسیویه‌تی‌ "یاقوتیا له‌ دوو وێنه‌دا".

به‌گوێره‌ی‌ پێگه‌ی‌ سپۆتنیكی‌ روسی‌، له‌گه‌ڵ‌ ئه‌وه‌ی‌ زۆربه‌ی‌ كه‌س پێیوایه‌ كه‌ هه‌میشه‌ ناوچه‌ی‌ سیبریا به‌ به‌فر داپۆشراوه‌، به‌ڵام له‌ هاویندا جیاوازه‌ و دیمه‌نه‌كانی‌ شایسته‌ی‌ ئه‌وه‌ن هه‌وڵی‌ بینینی‌ بدرێت.


PM:07:34:11/07/2018








ئه‌م بابه‌ته 5503 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو