وته‌بێژی سه‌در: به‌مزووانه گه‌وره‌ترین كوتله بۆ پێكهێنانی حكومه‌ت راده‌گه‌یه‌نین
وێستگه نیوز ـ
وته‌بێژی سیاسی رێبه‌ری ره‌وتی سه‌در رایگه‌یاند كه رێكه‌وتنه‌كانی پێشوو له‌گه‌ڵ هاوپه‌یمانی سائیرون به‌رده‌وامن و به‌مزووانه گه‌وره‌ترین كوتله‌ی په‌رله‌مانی بۆ پێكهێنانی حكومه‌ت راده‌گه‌یه‌نین.
جه‌عفه‌ر موسه‌وی وته‌بێژی سیاسی موقته‌دا سه‌در رێبه‌ری ره‌وتی سه‌در له راگه‌یه‌ندراوێكدا وتی:"هه‌موو ئه‌و رێكه‌وتنانه‌ی پێشتر له‌گه‌ڵ هاوپه‌یمانی سائیرون كراون وه‌ك خۆیان ماون و كاریان پێده‌كرێت و به رێككه‌وتنی هاوپه‌یمانی نه‌سر و سائیرون رێكه‌وتنه‌كان ته‌واو بوون".
وتیشی: "ده‌رگاكان كراوه‌ن بۆ هه‌ر لایه‌نێك كه بڕوای به چاكسازی هه‌یه"، ئاماژه‌شی به‌وه‌دا كه "به‌مزووانه گه‌وره‌ترین كوتله بۆ پێكهێنانی حكومه‌تی داهاتووی عیراق راده‌گه‌یه‌نرێت".
رۆژی شه‌ممه حه‌یده‌ر عه‌بادی سه‌رۆك وه‌زیران و موقته‌دا سه‌در رێبه‌ری ره‌وتی سه‌در پێكهێنانی هاوپه‌یمانییه‌كیان له نێوان لیستی نه‌سر و سائیرون راگه‌یاند.
AM:08:39:24/06/2018
ئه‌م بابه‌ته 4276
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت