نمایشێك به‌بێ نمایشكار


وێستگه‌ نیوزـ

رێكخستنی نمایشێكی جلوبه‌رگ له‌ عه‌ره‌بستانی سعودی، مشتومڕێكی زۆری نایه‌وه‌ به‌تایبه‌ت كه‌ نمایشه‌كه‌ هاوكات بوو له‌گه‌ڵ مانگی ره‌مه‌زان و له‌بری نمایشكار فڕۆكه‌ی درۆن به‌كارهێنرا.

رێكخه‌رانی نمایشه‌كه‌ له‌ ریاز-ی پایته‌ختی عه‌ره‌بستانی سعودی هه‌وڵی ئه‌وه‌ ده‌ده‌ن دوباره‌ بیرۆكه‌ی به‌كارهێنانی فڕۆكه‌ی بێفڕۆكه‌وان داڕێژنه‌وه‌ كه‌ له‌لایه‌ن ماركه‌ی دۆلتچی ئاند گابانا-ی ئیتالی پێشنیازكراوه‌.

ماركه‌ ئیتالییه‌كه‌ پێشتر نوێترین جانتای ده‌ستی به‌ به‌كارهێنانی ئه‌و جۆره‌ فڕۆكه‌یه‌ له‌بری خانمه‌ نمایشكار، نمایش كرد، ئه‌وه‌ش وه‌ك هه‌وڵێك بۆ قایلكردنی ئاماده‌بوان تا به‌ به‌كارهێنانی مۆبایله‌وه‌ سه‌رقاڵ نه‌بن و چێژ له‌ نامیشه‌كه‌ ببینن.

سعودییه‌كانیش بیرۆكه‌كه‌یان به‌دڵ بوو، بۆیه‌ زۆر به‌ سه‌ركه‌وتویی و به‌بێ خانمه‌ نمایشكار كاڵاكانیان به‌ به‌كارهێنانی فڕۆكه‌ نمایش كرد.

یه‌كێك له‌ رێكخه‌ره‌ سعودییه‌كانی ئه‌و نمایشه‌ رایگه‌یاندووه‌ كه‌ وه‌ك نه‌ریت هه‌میشه‌ نمایش بۆ خانمان له‌و وڵاته‌ كراوه‌ و پیاوان ئاماده‌ی نه‌بون، به‌ڵام ئه‌م داهێنانه‌ نوێیه‌ هه‌لێكیش بوو بۆ راكێشانی سه‌رنجی پیاوان به‌تایبه‌ت له‌ مانگی ره‌مه‌زاندا تا ئاماده‌ی نمایشه‌كه‌ ببن.








PM:11:04:08/06/2018


ئه‌م بابه‌ته 5536 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت