پۆلیسی سۆران خرانە ئامادەباشییەوە
رائید هاوار ئەرگوشی
وێستگە نیوز- پشتیوان جەمال
بەمەبەستی پاراستنی ئەمنیەتی ناوچەكەیان لە رۆژانی جەژنی نەورۆز، پۆلیسی سۆران خرانە ئامادەباشییەوە و بەهاوكاری لایەنە پەیوەندیدارەكان پلانەكەیان جێبەجێ دەكەن.
رائید هاوار ئەرگوشی، وتەبێژی پۆلیسی سۆران بە وێستگە نیوزی راگەیاند، بەمەبەستی پاراستنی ئاسایشی هاوڵاتیان و فەراهەمكردنی كەشێكی ئارام بۆ گەشتیاران و پاراستنی ماڵ و حاڵی خەڵكی دەڤەرەكەیان، پلانێكی ئەمنی تۆكمە دانراوە كە گشت ئەفسەر و كارمەندانیان لە حاڵەتی ئامادەباشی تەواودا دەبن.
ناوبراو روونیكردەوە، پلانەكە بەهەماهەنگی و هاوكاری هەریەكە لە پۆلیسی هاتووچۆ و ئاسایش، بەرگری شارستانی و گەشت و گوزار و تەندروستی سۆران دەبێت كە لە بەرواری 20-3 تا 24-3-2018 بەردەوام دەبێت.
وتەبێژی پۆلیسی سۆران داوای لە هاوڵاتیانیش كرد هاوكاریان بن و هەوڵ نەدەن جەنجاڵی دروست ببێت و ئاگاداریان دەكەنەوە كە یاری ئاگرین و خواردنەوەی مەی لە شوێنەگەشتیارەكان قەدەغەیە بۆ ئەوەی روداوی نەخوازراو رونەدەن.
PM:06:10:20/03/2018
ئه‌م بابه‌ته 1816
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت