تیله‌رسن: ده‌بێت ئێران سوپاكه‌ی له سوریا بكشێنێته‌وه
رێکس تیلەرسن، وه‌زیری ده‌ره‌وه‌ی ئه‌مریكا
وێستگه نیوزـ
وەزیری دەرەوەی ئەمەریکا به‌پێویستی ده‌زانێت ئێران سەربازەکانی و ئەو هێزانەشی پشیوانییان دەکات لە سوریا بیانکێشێتەوە.
ئەمڕۆ چوارشەممە 14ی شوباتی 2018، رێکس تیلەرسن، وه‌زیری ده‌ره‌وه‌ی ئه‌مریكا لە کۆنگرەیەکی ڕۆژنامەوانی لەگەڵ ئەیمەن ئەلسەدەفی، هاوتا ئوردنییەکەی رایگەیاند: دەبێت قەیرانی سوریا بەپێی بڕیاری 2254 ی ئەنجومەنی ئاسایشی نەتەوە یەکگرتووەکان و وتوێژەکانی ئاشتی جنێڤ چارەسەربکرێت.
هاوكات حكومه‌تی تاران لە زاری عەلی ئەکبەر ولایەتی، یاریدەدەری باڵای عه‌لی خامەنەئی، رێبەری باڵای شۆڕشی ئیسلامیی ئێران وەڵامی لێدوانەکەی تیلەرسنی داوەتەوە و بە ئاژانسی ISNA ی وتووە بوونی سوپای ئێران لە سوریا لەسەر داوای حکومەتی سوریایە.
ولایه‌تی ئاماژه‌ی به‌وه‌شداموه: ئەوانەی دەبێت لە سوریا بکشێنەوە، ئەوانەن کە بەبێ مۆڵەتی حکومەتی سوریا چوونەتە ناو ئەو وڵاتەوە.
PM:04:06:14/02/2018
ئه‌م بابه‌ته 1280
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت