سوریا هەر فرۆکەیەکی تورکیا سنور ببەزنێت تێکیدەشکێنین


وێستگە نیوز -

وەزارەتی دەرەوەی سووریا له‌سه‌ر هه‌ڕه‌شه‌كانی توركیا بۆ هێرشكردنه‌ سه‌ر شاری عه‌فرین و ناوچه‌كانی دیكه‌ی باكووری وڵاته‌كه‌ هاته‌ ده‌نگ و رایده‌گه‌یه‌نێت به‌ره‌نگاریی هه‌ر هێرشێكی توركیا بۆ سه‌ر خاكی سووریا ده‌بینه‌وه‌.

ئه‌مڕۆ پێنج شەممە 18ی كانوونی دووه‌می 2018،  جێگری وه‌زیری ده‌ره‌وه‌ی سووریا رایگه‌یاند: هێزه‌كانی به‌رگریی ئاسمانی سووریا ئاماده‌ن رووبه‌ڕووی هه‌ر هێرشێكی توركیا بۆ سه‌ر خاكی سووریا ببنه‌وه‌  و هەر فرۆکەیەکی تورکیا سنور ببەزنیت تێکیدەشکێنین.

سه‌ره‌ڕای ئه‌وه‌ش سووریا له‌ بوونی هێزه‌كانی ئه‌مریكا له‌ وڵاته‌كه‌ی نیگه‌رانه‌ و رایگه‌یاندووه‌: "پێویستمان به‌ دۆلاری ئه‌مریكا نییه‌ تا وڵاتی پی ئاوه‌دان بكه‌ینه‌وه‌و بوونی هێزه‌كانی ئه‌مریكا نایاساییه‌".

کێشەکانی نێوان تورکیا و ئەمریکاش لەسەر عەفرین قوڵتر دەبنەوە و مەولوود چاوشئۆغڵۆ، وەزیری دەرەوەی توركیا هێرشی تووند دەکاتە سەر ئەمریکا و دەڵێ: "بڕوایان بە ئەمریکا نییە و ئەو وڵاتەش راسگۆیانە سیاسەت ناکات".

چاوشئۆغڵۆ رایگەیاند: "ئەمریكا بەڵێنەكانی لەبارەی منبج و رەققە جێبەجێ نەكردووە و درووستكردنی ھێزی نوێ لە سووریا زیان بە پەیوەندییەكانی توركیا و ئەمریكا دەگەیەنێت".


PM:02:59:18/01/2018


ئه‌م بابه‌ته 2152 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو