كه‌ناڵێكی كوردی ته‌له‌فۆنی بۆ به‌رپرسێك كرد كه‌سێكی تر وه‌ڵامی دایه‌وه‌و لێدوانی دا

‌فۆتۆ: گێتی

وێستگه‌ نیوز ـ
وته‌بێژی مه‌رزی نێوده‌وڵه‌تی په‌روێزخان روونكردنه‌وه‌یه‌كی بڵاوكرده‌وه‌ و ئاماژه‌ی به‌وه‌دا بڕیاربووه‌ ئه‌مشه‌و له‌ گه‌شتی هه‌واڵه‌كانی كاتژمێر هه‌شتی كه‌ناڵی ئاسمانی سپێده‌ به‌شداربێت بۆ گفتوگۆكردن له‌سه‌ر كردنه‌وه‌ی مه‌رزه‌كه‌، به‌ڵام به‌هۆی لێدانی كۆدی هه‌ڵه‌ی ته‌له‌فۆنه‌كه‌وه‌ كه‌سێكی دیكه‌ وه‌ڵامی داوه‌ته‌وه‌ و لێدوانی داوه‌.


ئارام سایه‌خان، وته‌بێژی مه‌رزی نێوده‌وڵه‌تی په‌روێزخان له‌ روونكردنه‌وه‌یه‌كدا ده‌ڵێت: "بڕیاربوو ئه‌مشه‌و ئارام سایه‌خان، وته‌بێژی مه‌رزی نێوده‌وڵه‌تی باشماخ، له‌ گه‌شتی هه‌واڵه‌كانی كاتژمێر هه‌شتی كه‌ناڵی ئاسمانی سپێده‌ به‌شداربێت، بۆ گفتوگۆ كردن له‌سه‌ر هه‌واڵی كردنه‌وه‌ی مه‌رزه‌كه‌".

ئاماژه‌ی به‌وه‌شداوه‌: "به‌ڵام به‌هۆی هه‌ڵه‌ لێدانی كۆدی ئارام سایه‌خانه‌وه‌، كه‌سێكی دیكه‌ داخڵی گه‌شتی هه‌واڵه‌كانی ئه‌و كه‌ناڵه‌بوو كه‌ به‌ زمانی عه‌وام و نا فه‌رمی قسه‌ی ده‌كرد و له‌ وه‌ڵامی پرسیاری بێژه‌ری كه‌ناڵه‌كه‌دا وتی، به‌ڵێ مه‌رزه‌كه‌ كراوه‌ته‌وه‌".

هــ. ر


PM:10:39:17/12/2017




ئه‌م بابه‌ته 10140 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو