سهییاح كورهچی، ئهندامی كۆمسیۆنی باڵای سهربهخۆی ههڵبژاردن و راپرسی به وێستگه نیوزی راگهیاند، دوای ئهو داوایهی نێچیرڤان بارزانی و ههر كاتێك پهرلهمانی كوردستانیش بڕیاریدا بۆ ههڵبژاردنهكان، ئهنجومهنی كۆمسیاران كۆدهبنهوه تا بزانن دهتوانن ههڵبژاردنهكان بكهن یان نا.
روونیشیكردهوه ئهوان لهڕووی لۆجستییهوه ئامادهكارییان كردووه وهكو راهێنانی كارمهندان و خاوێنكردنهوهی تۆماری دهنگدهران.
نێچیرڤان بارزانی، سەرۆکی حکومەتی هەرێم، ئەمڕۆ یهكشهممه 17ی كانوونی دووهمی 2017، نووسراوێکی ئاراستەی سەرۆکایەتی پەرلەمانی کوردستان کردووە و تیایدا دەڵێت: "دوای سەردانمان بۆ لای زۆربەی لایەنە سیاسییەکانی کوردستان و تاوتوێکردنی دۆخی سیاسیی کوردستان و زەروورەتی پاراستنی یەکڕیزی ناوخۆیی و زەمینەسازی بۆ هەڵبژاردنەکان، بەو ئەنجامە گەیشتین، کە گەڕانەوە بۆ دەسەڵاتی گەل و ئەنجامدانی هەڵبژاردن باشترین بژاردەیە".
داواشی لە پەرلەمانی کوردستان کردووە، رێکاری یاسایی پێویست بگرنەبەر، بۆ ئەنجامدانی هەڵبژاردنەکان، کە لە ماوەی سێ مانگ تێپەڕنەکات، تا بتوانن لەو ماوەیەدا رۆژی هەڵبژاردن دیاری بکەن.
نێچیرڤان بارزانی داواشی لە کۆمسیۆنی باڵای سەربەخۆی هەڵبژاردن و راپرسی هەرێم کردووە، ئامادەکاری بکەن بۆ ئەنجامدانی هەڵبژاردنەکان بەپێی پێوەرە یاسایی و نێودەوڵەتییەکان.
سەرۆکی حکومەت جەختی لەسەر ئەوەشکردووەتەوە، کە ئەوان وەک حکومەت ئامادەی دەستەبەرکردنی پێداویستییەکانی ئەو پرۆسەیەن.
PM:08:35:17/12/2017
ئهم بابهته 3800
جار خوێنراوهتهوه