بوومه‌له‌رزه‌یه‌ك له هه‌ڵه‌بجه روویدا
وێستگه نیوز –
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان رایگه‌یاند كه به‌یانی ئه‌مڕۆ بوومه‌له‌رزه‌یه‌ك له شاری هه‌ڵه‌بجه روویدا.
له راگه‌یه‌ندراوێكدا كه وێنه‌یه‌كی ده‌ست وێستگه نیوز كه‌وتووه، به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان رایگه‌یاند كه به‌یانی ئه‌مڕۆ شه‌ممه بوومه‌له‌رزه‌یه‌ك له گوڕی 3.5 پله به پێوه‌ری رێخته‌ر له شاری هه‌ڵه‌بجه روویدا.
ئاماژه‌شی به‌وه‌داوه كه بوومه‌له‌رزه‌كه سه‌عات 6:54:59 چركه‌ی به‌یانی له دووری 13 كیلۆمه‌تر له شاری هه‌ڵه‌بجه روویداوه.
كه‌شناسی هه‌رێم ئه‌وه‌شی خستووه‌ته‌ڕوو كه بوومه‌له‌رزه‌كه له قوڵایی هه‌شت كیلۆمه‌تر روویداوه و هه‌ستی پێكراوه و هیچ زیانێكیشی نه‌بووه.
AM:09:07:16/12/2017
ئه‌م بابه‌ته 15048
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت