‌بزانه‌ ئه‌م بوك و زاوایه‌ له‌ رۆژی كۆچی دوایی سه‌رۆك مام جه‌لالدا چ بڕیارێکیاندا؟

وێستگه‌ نیوز ـ
دوو هاوسەری کورد، بەهۆی کۆچی دوایی سه‌رۆك مام جەلال-ەوە لە ناو ئاهەنگەکەیاندا بڕیارێکی سەیردەدەن، ئه‌ویش هه‌ڵوه‌شاندنه‌وه‌ی ئاهه‌نگ و له‌به‌ركردنی جلی ره‌ش.
 
وه‌ك له‌و گرته‌ ڤیدیۆییه‌دا ده‌رده‌كه‌وێت، ئەم دوو هاوسەرە لە کاتی بیستنی هەواڵی کۆچی دوایی سه‌رۆك مام جەلال، سه‌رۆك كۆماری پێشووی عیراق و سكرتێری گشتی یه‌كێتی نیشتمانی كوردستان بڕیاریاندا ئاهەنگەکەیان هەڵبوەشێننەوە و جلی رەش بەسەر جلوبەرگی بوک و زاواییەکەیاندا بپۆشن.

له‌ ڤیدیۆكه‌دا زاوا به‌ دڵی پڕ گریانه‌وه‌ ده‌ڵێت: "نەک ئەم پرۆسەیە، هه‌زار پڕۆسه‌ی ئاوا ده‌كه‌م به‌ قوربانی رۆحی مام جه‌لال".

رۆژی سێشه‌ممه‌ 3ی تشرینی یه‌كه‌می 2017، سه‌رۆك مام جه‌لال سه‌رۆك كۆماری پێشووی عیراق و سكرتێری گشتی یه‌كێتی‌ نیشتمانی كوردستان له‌ ته‌مه‌نی 84 ساڵیدا و له‌ وڵاتی ئه‌ڵمانیا كۆچی دوایی كرد.

كاتژمێر 11ی پێشنیوه‌ڕۆی رۆژی هه‌ینی 6ی تشرینی یه‌كه‌می 2017، ته‌رمی سه‌رۆك مام جه‌لال له‌ ئه‌ڵمانیاوه‌ گه‌یشته‌وه‌ شاری سلێمانی و دوای رێوڕه‌سمه‌كان و دانانی تاجه‌ گوڵینه‌ له‌سه‌ری، ته‌رمی مام جه‌لال به‌ره‌و مزگه‌وتی گه‌وره‌ به‌رێكرا و دواتر له‌ ده‌باشان به‌خاك سپێردرا.

له‌ 6ی‌ نیسانی‌ 2005، مام جه‌لال بووه‌ یه‌كه‌م سه‌رۆك كۆماری‌ هه‌ڵبژێردراوی‌ عیراق له‌ دوای‌ رووخانی‌ رژێمی‌ سه‌دام حسێن و یه‌كه‌م سه‌رۆك كۆماری‌ كوردیشه‌ له‌ مێژووی‌ عیراقدا.

پرسه‌ی سه‌ره‌كیی پیاوان له‌ سلێمانی، له‌ یاریگای سیروانی نوێ، له‌سه‌ر شه‌قامی 60 مه‌تری به‌ڕێوه‌ده‌چێت و جگه‌ له‌ خه‌ڵكی ئاسایی، سه‌ركرده‌ و به‌رپرسان له‌ ده‌ره‌وه‌ و ناوه‌وه‌ی عیراقه‌وه‌ به‌شداری له‌ پرسه‌كه‌دا ده‌كه‌ن.

پرسه‌ی‌ ژنانیش له‌ مزگه‌وتی‌ ئه‌حمه‌دی‌ حاجی‌ عه‌لی‌ له‌سه‌ر شه‌قامی‌ 60 مه‌تری‌ نزیك ته‌لاری‌ هونه‌ر به‌ڕێوه‌ده‌چێت.

هاوكات له‌ شاره‌كانی تر له‌م شوێنانه‌ پرسه‌ به‌ڕێوه‌ده‌چێت:

1-هه‌ولێر / مزگه‌وتی‌ جه‌لیل خه‌یات

2-كه‌ركوك / شورای‌ مه‌كته‌بی‌ سیاسی‌

3-دهۆك / هۆڵی‌ حاجی‌ ئه‌حمه‌د

4-هه‌ڵه‌بجه‌ / هۆڵی‌ ته‌ربیه‌ 

5-گه‌رمیان / هۆڵی‌ سه‌ردار جاف

6-خانه‌نقین / ساحه‌ی‌ مه‌لبه‌ند

7-رانیه‌ / هۆڵی‌ مسته‌فا عه‌لی‌

8-كۆیه‌ / ته‌كیه‌ی‌ تاڵه‌بانی‌

9-زاخۆ / هۆڵی‌ بێدار

10-سۆران / هۆڵی‌ شه‌هید شه‌وكه‌ت شێخ یه‌زدین

11-چه‌مچه‌مال / هۆڵی‌ بۆنه‌كان/ شاكر فه‌تاح


هــ. ر


PM:07:31:07/10/2017


ئه‌م بابه‌ته 25244 جار خوێنراوه‌ته‌وه‌‌


زۆرترین خوێندراو