‌خەڵاتی نۆبڵ درا به‌كێ‌؟


وێستگه‌ نیوز-

ئەمڕۆ ڕۆماننووسی بەریتانی کازۆو ئیشیگورۆ (Kazuo Ishiguro)توانی ببێتە براوەی خەڵاتی نۆبڵی ئەدەبی بە نوسینی هەردوو ڕۆمانی  "The Remains of the Day"  لەگەڵ  "Never Let Me Go".

بەپێی هەواڵی ماڵپەڕی " بی بی سی" ئەمڕۆ (٥ی تشرینی یەکەمی ٢٠١٧) ، لێژنەی پسپۆڕانی سوید بۆ بەخشینی خەڵاتی نۆبڵی ئەدەبیات ڕۆماننوس کازۆو ئیشیگورۆیان بە براوەی خەڵاتی نۆبڵی ئەدەبی دەستنیشانکردووە و ڕاشیانگەیاندووە " ڕۆمانەکانی نووسەر کازۆو هەستێکی زۆر پڕ سۆز و  مەزنی تێدایە، ئەمەش بۆتە هۆکاری بەهێزبوونی نوسینەکانی."

کازۆو ئیشیگورۆ لە ساڵی ١٩٥٤ دا لە شاری ناغازاکین لە ژاپۆن لە دایک بووە، کاتێک تەمەنی ٥ ساڵان بووە لەگەڵ خانەوانەدەکەیدا لە ئینگلتەرا نیشتەجێ بوون، چەندین جار خەڵاتی پێ بەخشراوە بۆ ڕۆمان و نوسینەکانی، لە تەمەنی ٦٢ ساڵیدا توانی ببێتە براوەی خەڵاتی نۆبڵی ئەدەبی.

خەڵاتی نۆبڵ بە یەکێک لە گرانترین و بە بەهاترین خەڵاتی جیهان دادەندرێت، هەروەها ناوەکەشی لە ناوی داهێنەرەکەی ئەلفرێد نۆبڵەوە هاتووە، ئەم خەڵاتە کۆمەڵێك بواری جیاواز دەگرێتەوە وەک بوارەکانی ( ئاشتی، کیمیا، فیزیا، پزیشکی و ئەدەب)، لە کاتی دابەشکردنی خەڵاتی نۆبڵ ڕەچاوی تەمەن و ڕەگەز ناکرێت.


PM:04:28:05/10/2017








ئه‌م بابه‌ته 1811 جار خوێنراوه‌ته‌وه‌‌




هەواڵی پەیوەندیدار

زۆرترین خوێندراو