فه‌ریق روكن عه‌بدوئه‌میر یاره‌ڵا، فه‌رمانده‌ی ئۆپراسیۆنی (قادمون یا تلعفر) له به‌یاننامه‌یه‌كدا رایگه‌یاند كه یه‌كه‌كانی فیریقه‌ی 16ی پیاده، گونده‌كانی تشتیه و ته‌ل سمن-یان كۆنتڕۆڵكردووه‌ته‌وه و ده‌ستیشیانگرتووه به‌سه‌ر چواڕیانی (الكسك) و پاڵاوگه‌ی نه‌وتی (الكسك) و ئاڵای عیراقیان له‌سه‌ر به‌رزكردووه‌ته‌وه.
هه‌ر ئه‌مڕۆ سێشه‌ممه 22ی ئابی 2017، عەبدولئەمیر یارەڵا، رایگه‌یاند كه هێزه‌كانی عیراق چونه‌ته یه‌كه‌م گه‌ڕه‌كه‌ی قه‌زای ته‌له‌عفه‌ر و هێزەکانی دژەتیرۆریش لە دووەمین رۆژی ئۆپەراسیۆنی کۆنترۆڵکردنەوەی تەلەعفەردا گوندەکانی: تەل رەحال، جەبارە، حوسێن ئیدریس، مەلا، مەجید-یان کۆنترۆڵکردەوە.
ئەوەش لەکاتێکدایە، رۆژی دووشەممە 21ی ئابی2017، حەشدی شەعبی لە راگەیێندراوێکدا راگەیاند، چەکدارانی داعش ژمارەیەک لە بیرە نەوتەکانی قەزای تەلەعفەر-یان ئاگر داوە.
بەپێی راگەیێندراوەکەی حەشدی شەعبی ئامانج لەوکارەی داعش، بۆ رێگرییکردن لە توانای بینینی فڕۆکە جەنگییەکان و بۆردوومانکردنیان.
حەیدەر عەبادی، فەرماندەی گشتیی هێزە چەکدارەکانی عیراق و سەرۆک وەزیرانی عێراق، بەرەبەیانی رۆژی یەکشەممە 20ی ئابی2017 ئۆپەراسیۆنی کۆنترۆڵکردنەوەی تەلەعفەری راگەیاند.
AM:11:12:22/08/2017