دره‌ختێك 20 قوتابی‌ كوشت

‌هاوینه‌هه‌واری‌ كینتامبۆ

وێستگه‌ نیوز –
دره‌ختێك كه‌ ره‌شه‌با هه‌ڵیكێشابوو له‌گه‌ڵ‌ لافاودا به‌شێوه‌یه‌كی‌ كتوپڕ له‌ تاڤگه‌یه‌كی‌ هاوینه‌هه‌واری‌ كینتامبۆ له‌ وڵاتی‌ غانا كه‌وته‌ خواره‌وه‌ و 20 قوتابی‌ كوشت.

شایه‌تحاڵه‌كان رایانگه‌یاند كه‌ رووداوه‌كه‌ 19ی‌ ئازار روویداوه‌ و دره‌خته‌كه‌ له‌ تاڤگه‌كه‌ كه‌وتووه‌ته‌ خواره‌وه‌ به‌سه‌ر كۆمه‌ڵێك قوتابیدا كه‌ له‌ژێر تاڤگه‌كه‌دا سه‌رقاڵی‌ مه‌له‌كردن بوون.

ئاماژه‌شیان به‌وه‌داوه‌ له‌ ئه‌نجامی‌ كه‌وتنی‌ دره‌خته‌كه‌دا ده‌ستبه‌جێ‌ 18 قوتابی‌ گیانیان له‌ده‌ست داوه‌ و دوانی‌ تریش له‌ نه‌خۆشخانه‌ به‌هۆی‌ سه‌ختی‌ برینه‌كه‌یانه‌وه‌ گیانیان له‌ده‌ست داوه‌.

شایه‌تحاڵه‌كان ئه‌وه‌شیان خسته‌ڕوو كه‌ له‌ رووداوه‌كه‌دا له‌نێوان 11 بۆ 20 خوێندكاری‌ تر برینداربوون و له‌ نه‌خۆشخانه‌ سه‌رقاڵی‌ وه‌رگرتنی‌ چاره‌سه‌رن.

سه‌رچاوه‌: بی بی سی نیوز


PM:05:03:20/03/2017


ئه‌م بابه‌ته 5629 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت