عەرەبێك بووە شاجوانی گەردون
وێستگە نیوز-
لە خولی 91ی پێشبڕكێكەدا كە بۆ یەكەمجار لە تونس سازكرا، جیهان سەلانەی مەغریبی بووە شاجوانی گەردون.
لیژنەی رێخەری پێشبڕكێكە، لەنێوان 15 شاجواندا كە نوێنەرایەتی وڵاتە خۆرئاوایی و عەرەبیەكانیان دەكرد، جیهان سەلانە هەڵبژێردرا.
لە پلەی دووەمدا، ئیلینا سولفارزی ئیستوانی دەستنیشانكرا و كیارا ڤانرڤانیش لە لۆكسمبۆرگ پلەی سێیەمی بەدەستهێنا.
بەشداربوان نمایشێكی جلوبەرگری تونسیان پێشكەش كرد و لە چوارچێوەی ریكلامكردن بۆ گشتوگوزار لەو وڵاتە، سەردانی ژمارەیەك شارییان كرد كە لەم ماوەیەی دواییدا كارە تیرۆریستییەكان كاریگەرییەكی زۆری لەسەر جێهێشتن.
جیهان سەلانەی مەغریبی، لە پاش بردنەوەی نازناوەكە خۆشحاڵی خۆی دەربڕی و رایگەیاند: "زۆر خۆشحاڵم بەوەی نازناوی جیهانی شاجوانی گەردونم بەدەستهێنا.. خۆشحاڵم كە بە باشترین شێوە نوێنەرایەتی مەغریبم كرد لە پێشبڕكێكەدا".
پێشبڕكێكە كە لە ساڵی 1952وە دامەزراوە، تونس بۆ میوانداریكردنی هەڵبژێردرا و ساڵانە 600 ملیۆن بینەری هەیە.
PM:07:42:26/12/2016
ئهم بابهته 2777
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت