مهسرور بارزانی بۆ باڵیۆزی بهریتانیا: پشتیوانی لە هەڵبژاردنێکی پاک و بێگەرد دەکەین کە جێی متمانە بێت
وێستگه نیوزـ
سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق كرد و بۆ پرسی ههڵبژاردنی پهرلهمانی كوردستان وتی: پشتیوانیی لە هەڵبژاردنێکی پاک و بێگەرد و دەکەین کە جێی متمانە بێت.
فهرمانگهی میدیا و زانیاریی حكومهتی ههرێم رایگهیاند: ئەمڕۆ سێشەممە مەسرور بارزانی سەرۆکی حکومەتی هەرێمی کوردستان، پێشوازی لە ستیڤن هیچن باڵیۆزی بەریتانیا لە عێراق کرد و تەوەرێکی سەرەکی گفتوگۆکان، تایبەت بوو بە گرنگیی ئەنجامدانی هەڵبژاردنی پەرلەمانی کوردستان و هەردوولا هاوڕابوون لەسەر پێویستیی چارەسەرکردنی کێشە و ئاستەنگەکانی بەردەم هەڵبژاردن و بەشداربوونی هەموو لایەنەکان لە هەڵبژاردندا.
بهپێی راگهیهندراوهكهی فهرمانگهی میدیا و زانیاری، سەرۆکی حکومەتی ههرێم به باڵیۆزی بهریتانیای وتوه: پشتیوانیی لە ئەنجامدانی هەڵبژاردنێکی پاک و بێگەرد و یاسایی و دادپەروەرانە دەکەینەوە کە جێی متمانە بێت و لە ژێر چاودێری و پشتیوانیی کۆمەڵگەی نێودەوڵەتی بەڕێوەبچێت و گەرەنتی پاراستنی مافەکانی هەموو پێکهاتەکانی هەرێمی کوردستان بکات.
بهپێی راگهیهندراوهكه، دابینکردنی مافە دەستوورییەکانی خەڵکی کوردستان و ناردنی مووچە و شایستە داراییەکان و بەردەوامبوونی هاریکاری و پشتیوانیکردنی پێشمەرگە، چەند بەشێکی دیکەی گفتوگۆکان بووه.
PM:03:43:30/04/2024
ئهم بابهته 320
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت