دوو چەکدار تەقە لە بازگەی شیوەسوور دەکەن
بازگەی شیوە سوور
وێستگە نیوز-
شەوی رابردوو، دوو چەکداری نەناسراو تەقە لە بازگەی شیوەسوور دەکەن و "ڕووداوەکە بێ زیان بووە".
بەپێی زانیارییەکان، " درەنگانی شەوی رابردوو، لە ڕێگەی نێوان کەرکوک_ شوان دوو چەکداری نەناسراو کە لە ڕێگەی ماتۆڕسکیلەوە لە شیوە سوور دەرکەوتوون، تەقەیان بە ئاڕاستەی بازگەی شیوەسوور کردووە لە نزیک کەرکوک کە ئاسایشی یەکێتی لەو بازگەیەدان و وەڵامیان داونەتەوە".
هاوکات، "بە گوێرەی زانیارییەکان، هێرشی ئەو چەکدارانە بێ زیانی گیانی بووە و دەستبەجێ چەکدارەکان هەڵاتوون"، تا ئێستاش لایەنە ئەمنییەکان لەسەر ڕووداوەکە هیچ ڕاگەیەندراوێکیان بڵاونەکردۆتەوە.
هێڕشی ئەو چەکدارە "نەناسراوانە" لە کاتێکدایە، چەکدارانی ڕێکخراوی داعش چەند رۆژێکە دەستیان بە جموجوڵی سەربازی فراوان کردووە و تەنها لە ماوەی دوو هەفتەی رابردوودا 20 کردەوەیی سەربازییان بە شێوەی پارتیزانی و هێرشی لەناکاو لە ناوچە جێناکۆکەکان ئەنجامداوە.
AM:10:33:07/05/2021
ئهم بابهته 4368
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت