یه‌په‌گه چەند ناوچه‌یەکی له عفرین كۆنتڕۆڵ كرده‌وه
شەڕڤانێکی یەپەژە لە کاتی بەرگریدا
وێستگه نیوز ـ
سایتی RT ی روسیا رایگەیاندووە، كە یەكینەكانی پاراستنی گەل (یەپەگە) توانیویانە گوندەكانی ناحیەی "بلبل- زعریە" لە سنووری كانتۆنی عفرین كۆنتڕۆڵ بكه‌نەوە، كە پێشتر به‌هۆی هێرشه‌كانی سوپای توركیاوه پاشه‌كشه‌یان لێی كردبوو.
سایته‌كه له زاری په‌یامنێره‌كه‌یه‌وه بڵاویكردووه‌ته‌وه، یه‌كینه‌كانی پاراستنی گه‌ل، (یەپەگە) توانیویانە گوندەكانی ناحیەی "بلبل- زعریە" لە سنووری كانتۆنی عفرین كۆنتڕۆڵ بكه‌نەوە.
ئەوەش لەكاتێكدایە كە سوپای توركیا لە چەند قۆڵێكەوە بنكە و بارەگاكانی یەپەگەی بۆردوومانكردووە، لەبەرانبەریشدا شەڕڤانان بەسەختی ناوەندێكی سەرەكی سوپای توركیایان بۆردوومانكرد.
هاوكات نیاز حامید، چالاكوانی مەدەنی و چاودێری سیاسی له هه‌ژماری تایبه‌تی خۆی له تۆڕی كۆمه‌ڵایه‌تی فه‌یسبوك نووسیویه‌تی: "تەواوی بەرزایی پارسیای خاتونێ (قەستەل جندۆ) كە بەشێكی كەمی لەدەست چەتەكانی ئاكەپە بوو، ئه‌مشەو لە ئۆپەراسیۆنێكی تایبەتی هێزەكانی سوریای دیموكراسیدا، ئازاد كرا، تەرمی دەیان چەتەی ئەلقاعیدە و سەربازی تورك لەدوای خۆیاندا بەجێهێشتووە".
ماوەی دوو هەفتەیە سوپای توركیا و چه‌كدارانی سوپای سوریای ئازاد كه هاوسۆزن له‌گه‌ڵی، ئۆپەراسیۆنێكی فراوانیان كردوه‌ته سه‌ر عفرین و تا ئێستاش به‌رده‌وامه له هێرش و په‌لاماره‌كانی.
هــ. ر
PM:05:04:03/02/2018
ئه‌م بابه‌ته 5240
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت