حكومه‌تی‌ هه‌رێم كاتژمێره‌كانی‌ پێدانی‌ كاره‌بای‌ له‌ رۆژانی‌ جه‌ژندا راگه‌یاند


وێستگه‌نیوز-
وه‌زاره‌تی‌ كاره‌بای‌ حكومه‌تی‌ هه‌رێمی‌ كوردستان رایگه‌یاند كه‌ له‌ڕۆژانی جه‌ژنی ڕه‌مه‌زانی پیرۆزدا، ڕۆژانه‌ 18-20 كاتژمێر كاره‌با به‌هاوڵاتیان ده‌درێت.


ئه‌مڕۆ شه‌ممه‌ 29ی‌ ئاداری‌ 2025، وه‌زاره‌تی‌ كاره‌بای‌ هه‌رێم له‌ راگه‌یه‌ندراوێكدا ئاماژه‌ی‌ به‌وه‌دا كه‌ "له‌هه‌ر سێ ڕۆژی جه‌ژنی ڕه‌مه‌زانی پیرۆز به‌پشتبه‌ستن به‌ نزیكه‌ی 4000 مێگاوات كاره‌با ڕۆژانه‌ 18- 20 كاتژمێر كاره‌با به‌هاوڵاتیان ده‌درێت".

ئه‌وه‌شی‌ خسته‌ڕوو كه‌ "هاوكات  زیاتر له‌ 7000 كرێكارو فه‌رمانبه‌ری كاره‌با له‌ به‌ڕێوه‌به‌رایه‌تییه‌كانی كۆنترۆڵی كاره‌بای هه‌رێم و كۆنترۆڵی كاره‌بای پارێزگاكان  و  وێستگه‌كانی به‌رهه‌مهێنان و گواستنه‌وه‌ و دابه‌شكردنی كاره‌با و سیانه‌كان و پۆلیسی كاره‌با له‌سه‌رجه‌م پارێزگاو ئیداره‌ سه‌ربه‌خۆكانی هه‌رێم به‌ شێوه‌ی ئیشكگریی له‌ خزمه‌تی هاوڵاتیاندا ده‌بن".

ئه‌مڕۆ 29 هه‌مین رۆژی‌ مانگی‌ ره‌مه‌زانی‌ پیرۆزه‌ و ئێواره‌ لیژنه‌ی‌ بینینی‌ مانگ كۆده‌بنه‌وه‌ بۆ ئه‌وه‌ی‌ یه‌كه‌م رۆژی‌ جه‌ژن دیاری‌ بكه‌ن كه‌ ئایا سبه‌ینێ‌ ده‌بێت یان رۆژی‌ دووشه‌ممه‌.


PM:04:10:29/03/2025


ئه‌م بابه‌ته 908 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت