بەهۆی پیسبوونی ئاوی زێی بچوکەوە پڕۆژەكانی بەرهەمهێنان و دابینکردنی ئاوی چەند ناوچەیەک راگیران

وێستگەنیوز-

بەڕێوەبەرایەتیی ئاوی كۆیە راگرتنی سەرجەم پڕۆژەكانی بەرهەمهێنان و دابینکردنی ئاوی راگەیاند، بە هۆكاری شیاونەبوونی ئاوی بەرهەم هاتوو بۆ خواردنەوە.

ئەمڕۆ سێشەممە 25ی ئاداری 2025، بەڕێوەبەرایەتیی ئاوی كۆیە رایگەیاند، "بەهۆی تێكەڵ بوونی مادەی زیان بەخش بەئاوی زێی بچوك كە سەرچاوەی دابینكردنی ئاوە بۆ سەنتەری قەزای كۆیە و تەق تەق و ناحیەی ئاشتی بەشێك لە گوندەكان، بەمەبەستی پاراستنی ژیانی هاوڵاتییان سەرجەم ئەو پرۆژانەی كەوا ئاو لە زێی بچوك وەردەگرن بە ناچاری وەستێندران بەهۆكاری شیاونەبوونی ئاوی بەرهەم هاتوو بۆ خواردنەوە و بەكارهێنان".

بەڕێوەبەرایەتیی ئاوی كۆیە داوا لە هاوڵاتییان دەكات، بەوشیارییەوە ئاو بەكار بهێنن تا ئەو كاتەی زێی بچوك پاك دەبێتەوە.

AM:11:16:25/03/2025

ئه‌م بابه‌ته 236 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت