وەزیری دارایی هەرێم بڕیارێک لەبارەی مووچەوە دەدات

وێستگەنیوز-

وەزیری دارایی و ئابووریی هەرێمی کوردستان رایدەگەیەنێت، بەهیچ جۆرێك دەستكاری پارەی هاوڵاتییان لە بانكەكان نەكرێت.

بەپێی گشتاندنێكی وەزارەتی دارایی و ئابووریی هەرێم کە ئاوات شێخ جەناب، وەزیری دارایی واژۆی کردووە، تێیدا ئاماژە بۆ ئەوە كراوە، تەمویلی مووچەی مووچەخۆران و فەرمانبەران راستەوخۆ لە بانكی منارەوە دەنێردرێت بۆ بانكی ئاشتی و لەوێشەوە بۆ بانكەكانی سنووری پارێزگاكانی سلێمانی، هەڵەبجە و ئیدارەكانی گەرمیان و راپەڕین.

ئاماژە بەوەکراوە، "بەهیچ جۆرێك دەستكاری پارەی هاوڵاتییان لە بانكەكان نەكرێت و بە پێچەوانەوە رێكاری یاساییان بەرامبەر دەگیرێتەبەر".

ئەوەشخراوەتەڕوو، "نابێت بە هیچ جۆرێك كێشە بۆ پێشینەی مانگانەی فەرمانگەكان و كۆمپانیاكان و بەڵێندەران و دروستبكرێت كە رەزامەندی وەزارەتیان هەیە".

PM:11:18:22/03/2025

ئه‌م بابه‌ته 720 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت