پەیامی بافڵ تاڵەبانی لە ئامەد: با هەموومان کار بۆ ئاشتی هەمیشەیی بۆ گەلی کورد و سەرفرازیی بۆ کوردستان بکەین
وێستگەنیوز_
لە ئاهەنگی نەورۆز لە ئامەد، پەیامی بافڵ تاڵەبانی، سەرۆکی یەکێتی نیشتمانی کوردستان خوێندرایەوە.
لە پەیامەکەیدا بافڵ تاڵەبانی دەڵێت، بەبۆنەی جەژنی نەورۆزی کوردان و سەری ساڵی نوێی کوردی، کە هاوکاتە لەگەڵ راپەڕینی کەرکوکی قودسی کوردستان، لە دڵەوە پیرۆزبایی گەرم لە کوردستانیانی خۆشەویست دەکەم و هیوای ئاشتی و ئارامی و شادمانیی بۆ هەمووان دەخوازم.
ئاماژەى بەوەشکردووە، نەورۆز پەیامی نوێبوونەوە، تەبایی، پێکەوەیی، برایەتی و یەکڕیزیی کوردایەتییە بۆ گەیشتن بە ئازادی و سەربەخۆیی.
هیواشى خواستووە، "ئەم نەورۆزە ببێتە هۆی ئاشتی، سەرخستن و پشتگیرییکردنی دۆزی کورد لە هەموو شوێنێک و دەشڵێت: میللەتی کورد شایستەی ژیانێکی شەرەفمەندانەیە، با هەموومان پێکەوە شانبەشانى یەک هەوڵبدەین و کار بۆ ئاشتی هەمیشەیی بۆ گەلی کورد و سەرفرازیی بۆ کوردستان بکەین."
PM:07:50:21/03/2025
ئه‌م بابه‌ته 316
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت